日七 (Day 7)

日七 Day 7 睇風水，應該係術數。
‧門口位最好，廁所最差，床位亦不算好
‧決定下年2月先做廁所 ... 掙扎好耐，既然睇左，就要信
‧全屋冷氣位都唔好，最好換分體冷氣，更改出風位
‧最好避用「希臘藍」(but i've planned it ... )，好彩我個主色白、灰、銀都好配合
‧廳用一點紅、紫、橙、金色做點綴
‧梳化用唔到深灰色，要用淺色，如白、米白等
‧原來風鈴唔惹鬼，仲有化煞之作用
‧在我原來的玄關位c型櫃做water feature (I love it!)，仲要配合燈
‧門位要放紅地氈 ... 「歡迎光臨」??!!
‧廚房係另一好位，但有點浪費，建議多d煮飯 (!!)
‧不過要注意用電
‧廳窗台漏財，窗台窗宜常關
‧廁所位流年不利，要在原有的煤氣爐上放個鐘 (!!)
‧房門位開得唔錯，門口最好有「水」(!!)
‧房窗台第一隻窗宜常關，再放個會轉的鐘
‧床上用品用金銀白，但不宜用紅 (好易調亂 ...)
‧房衣櫃則可用紅
‧都係呢句，張床唔好騎上窗台 (我張5呎床無望喇！)
‧間屋無明顯文昌位 .... 發達冇我份！悲！(媽媽安慰話：最緊要夠駛，平平安安，唔發達有咩所謂)
‧要換鐵閘，最好係掩門，不要趟門
‧但整體間屋都有70分！

裝修5月尾先開始！
依家我要睇下唔要藍色，用咩色好 ...紅、紫、橙、金色，我唸我會揀橙or金
廁所 .... 真係大問題！我最concern個廳同廁所，而個廁所今年又唔搞得 ...