2010年6月30日

As long as it's FREE!! 腐敗都市 Sex & the Lieutenant

最近入戲院睇了兩套免費的戲:《腐敗刑警 Bad Lieutenant: Port of Call New Orleans》及《色慾都市2 Sex & the City 2》

未想詳寫影片的觀後感,但想講下入戲院睇一部完全無idea的戲的感覺。
《Bad Lieutenant》贈劵是朋友送的,他問我有一齣Nicolas Cage的新戲,睇唔睇? Lady Gaga話齋 "as long as it's free" 乜野都要!

入場前只知道中文片名叫《腐敗刑警》、導演非美國人、外國影評唔錯及有韋基馬,其他一概不清楚!因為無咩機會睇免費戲,所以呢種感覺幾特別,無期望,就有驚喜!

戲是不錯的,不過不是大眾喜愛的警匪片。黑暗、人性、黑色幽默加勁好戲的Nicolas,唔錯!

唔 好以為我一定捧《Sex & the City 2 》場,其實我睇到第4季已經冇睇。上次 the movie我都係隔左好耐先租碟睇番。仲有,假如我真係咁捧場,就一早買飛入場睇左啦。今次唸住星期三人少少先睇,點知突然醒起要上Wine Marketing,一定要星期二睇 (因為星期三就落),搞到"呢咁hea"。總算睇左 ... 我唔係熟女,所以冇咩特別感覺。

點解咁快落畫? 因為有Shrek4, Eclipse等大片上囉!Shrek黎到第4集,唔知有咩吸引觀眾,我唔會睇3D喇,愈來愈覺得3D電影好無聊。

昨 晚《SATC2》前嘅 trailer係Angelina Jolie嘅《Salt》,唉 .... 又係《Mission Impossible》橋,荷里活好很悶呀!講起Angelina Jolie,我超鐘意佢上一部 action thriller 《Wanted》,勁過癮、超爽!雖然鐘意睇劇情片,但我一樣想夏日炎炎睇特技娛樂動作片,《Wanted》同《Transformer》係呢幾年最正 嘅,《Transformer 2》係最失望嘅 ... 其他,好少睇 lu ... 世界電影市場只有荷里活先出得起幾億黎拍娛樂大片,亦因為呢個原因,假如佢做得唔好,我地就好少好睇嘅特技片睇喇!By the way, Leonardo 同 Marion Cotillard 再加 Christopher Nolan 個套《Inception》係咪特技片黎架?? 個牌面已經嬴左個馬頭!Marion 上次嘅《Nine》已經跑出,氣質非凡 (我仲未睇《粉紅色的一生》 ... );Nolan係咪唔再拍獨立騎呢片架??!! 又拍大片?!

我要睇打到你暈、炸到你震嘅娛樂大片呀 ~~~~~~~~~~~~~~~ !!!!!!!!!

As long as it's FREE!! 腐敗都市 Sex & the Lieutenant

最近入戲院睇了兩套免費的戲:《腐敗刑警 Bad Lieutenant: Port of Call New Orleans》及《色慾都市2 Sex & the City 2》

未想詳寫影片的觀後感,但想講下入戲院睇一部完全無idea的戲的感覺。《Bad Lieutenant》贈劵是朋友送的,他問我有一齣Nicolas Cage的新戲,睇唔睇? Lady Gaga話齋 "as long as it's free" 乜野都要!

入場前只知道中文片名叫《腐敗刑警》、導演非美國人、外國影評唔錯及有韋基馬,其他一概不清楚!因為無咩機會睇免費戲,所以呢種感覺幾特別,無期望,就有驚喜!

戲是不錯的,不過不是大眾喜愛的警匪片。黑暗、人性、黑色幽默加勁好戲的Nicolas,唔錯!唔好以為我一定捧《Sex & the City 2 》場,其實我睇到第4季已經冇睇。上次 the movie我都係隔左好耐先租碟睇番。仲有,假如我真係咁捧場,就一早買飛入場睇左啦。今次唸住星期三人少少先睇,點知突然醒起要上Wine Marketing,一定要星期二睇 (因為星期三就落),搞到"呢咁hea"。總算睇左 ... 我唔係熟女,所以冇咩特別感覺。

點解咁快落畫? 因為有Shrek4, Eclipse等大片上囉!Shrek黎到第4集,唔知有咩吸引觀眾,我唔會睇3D喇,愈來愈覺得3D電影好無聊。

昨晚《SATC2》前嘅 trailer係Angelina Jolie嘅《Salt》,唉 .... 又係《Mission Impossible》橋,荷里活好很悶呀!講起Angelina Jolie,我超鐘意佢上一部 action thriller 《Wanted》,勁過癮、超爽!雖然鐘意睇劇情片,但我一樣想夏日炎炎睇特技娛樂動作片,《Wanted》同《Transformer》係呢幾年最正嘅,《Transformer 2》係最失望嘅 ... 其他,好少睇 lu ... 世界電影市場只有荷里活先出得起幾億黎拍娛樂大片,亦因為呢個原因,假如佢做得唔好,我地就好少好睇嘅特技片睇喇!By the way, Leonardo 同 Marion Cotillard 再加 Christopher Nolan 個套《Inception》係咪特技片黎架?? 個牌面已經嬴左個馬頭!Marion 上次嘅《Nine》已經跑出,氣質非凡 (我仲未睇《粉紅色的一生》 ... );Nolan係咪唔再拍獨立騎呢片架??!! 又拍大片?!

我要睇打到你暈、炸到你震嘅娛樂大片呀 ~~~~~~~~~~~~~~~ !!!!!!!!!!

2010年6月23日

日八十三 (Day 83)

Day 83 無到過新屋,但收到個重要電話,係Master Leung 梁師傅。

好緊張,究竟我間屋仔要做幾錢裝修呢??

答案:約 $85000

接電話時在街上,沒有紙筆,明晚會再給Master Leung電話,記低有什麼不包在內。

先記低一些重點:
價錢不包括 --
1) 地磚 (但已包清拆、鋪工、泥水)
2) 廚具,如抽油煙機、爐頭等
如果要換水喉 (及將屎坑和洗手盤對調),連屋外搭棚,約要多加$10000

已包 --
1) 鐵閘
2) 大門瀝架
3) 廚/廁中間的玻璃趟門 (yeah!!)
4) 拆/建兩幅牆
5) 廚櫃
6) 一次過的廁工程 (之前我要求分開做的)
7) 牆髹油
8) 匹半分體冷氣連安裝
9) 其他大家都想像得到的基本工序

好似進展多一步了,下一步係打算約Master Leung晏晝時候上來,看看水喉是否真的要換,大拿拿「皮幾野」... (雖然冷氣同鐵閘其實不用換 ...)

再下一步睇睇揀什麼人幫手做傢私。

(開心有朋友睇呢個 blog,哈哈哈,我覺得棉條個比喻真係唔多恰當)

分手說愛你

我不是不看港劇/港片的,我只是挑有誠意、好看的才會入場,即是說我只是一個理性的消費者。今年我看港片的數量明顯多了,如雷聲大雨點少,整體一般但見誠意的《歲月神偷》和昨晚看的《分手說愛你》。眼見荷里活西片愈來愈乏力,我都希望港片可以重振雄風,特別喜愛港片的小品情趣。

5年前的《早熟》我也有付錢購票入場的,最好睇的是房祖名及薛凱琪的父母,張力是來自「父母四人幫」:曾志偉、毛舜筠、黃秋生、余安安,火花燦爛。今次的合作,張力竟是令人喜出望外的房祖名和薛凱琪兩位主角,是完完全全來自兩人真摰自然的演繹,我想這叫「演技」。

《分》片講的是非常十分極度普通的故事,但值得叫好的是說故事的方法和演員的演出。兩個年青人拍拖有什麼可以做?? 對,就是普通到不得了的行街、為小事爭吵、去澳門小旅行,但處處皆見小情趣和生活感。唯一不明白是,一個散工和一個sales為何可以住soho,有廳有睡房又有餐桌 (我新屋張餐檯是揭出來的,屋細嘛)。

為了未欣賞《分》片的人,我不穿大橋;觀片到中段時,我心中曾問「有條咁好嘅橋點解唔做落去呀?? 一係之後有d野,一係就爛尾!」結果係 ... 另外,我覺得不應再標籤「天水圍」了,因為青少年問題是全港性的,這樣做似乎是抹黑。

幾鐘意本地演員在片中講粗口,一直不明白點解IIB級西片可以勁講 F language,但港片有粗口就「升級」(最深刻印象是古惑仔唔講粗口,及許志安在《救命》中話林嘉欣係「賤貨」,令我勁噴水!)。粗口,是生活一部分也;壓抑了就失去生活感。鄧建泓在公仔箱中的演出,我通常都欣賞不到,因為一見鄧,我都會熄機;最大的原因,是無線吧!一個劣等的電視劇製作單位,令人討厭,演員發揮機會不多。

鄧建泓其實在公仔箱以外的演出都不算差的,如《性工作者十日談》,而今次的配角的演出(不是抵毀,他還是適合做配角)處理得恰如其分。我覺得此片將會有「翻睇熱」,趁早看吧!房祖名、薛凱琪,除非你們在其他戲中都有如此高水平的演出,否則 ... ... 你地一定有(/過) 野!

2010年6月17日

日七十七 (Day 77)

紀居到今日都有一段日子,但因為沒有「要搬出黎住」同「被人趕走」的壓力,所以裝修一直遙遙無期。

端午節上了新居對上兩層的單位,剛完成了翻天的裝修,廳的確大了很多,空間感絕不只385呎,非常不錯。可惜我和Carol都對這個裝修的關鍵:Open kitchen和小睡房的設計都不太感興趣,所以還是依照原先的概念吧。

但仍有幾點我是頗喜歡的:
1. 屋主用了黑色暗花大地磚 (Eddie說用白色的掃口就可減低heavy的感覺),主體顏色跟我的一樣,都是黑白灰銀。看到效果,令自己的信心增加了,不過我應該不會用黑色大地磚。
2. 廚房外的大C形鞋櫃雜物櫃,高度會追平門口上面的「陣」,不會到頂,上面仍會做燈糟效果,又可放葡萄酒。
3. 我喜歡白色大門啊!又想換鐵閘 .... $$$
4. 屋主的「新」廁所好靚,好喜歡,可惜我們未必會改。
5. 窗台寫字檯及雜物櫃也可以參考,不錯!

設計師及負責工程的Eddie也是住在同一屋苑,我非常欣賞他對設計的態度。
而屋主則是他的朋友,是個玩音響的人。

另外 ... 開信箱駭然發現電費單一張!!!第一次交電費,盛惠 $606,$600是按金。

第一張電費單