2011年6月24日

我的蚊居 (A View thru a 10-20mm lens)

我的蚊居基本上已全部完成喇!
雖平日不會日日上去,只是星期五至日,但每個周末都好開心 ... 哈哈!
蚊居中的大小陳設都兼顧,係一個完全屬於自己的空間,雖然銀行存款只剩$10K,不過,有種心滿意足的感覺。

見到很多不相認識的網友找裝修、找設計,找到我的blog,很歡迎大家。我知置業、裝修是一個平凡打工仔一個很大的投資決定,而我之前亦找過很多blog。舉個例子,單單找反板枱的設計,我都花了相當多的時間,雖然最後實際的效果不同,但網上都有為數不多的參考。講開反板枱,我的忠告是:假如你的傢私公司不擅長造此設計 (最好現場有辨睇),就不要勉強,因為我用的一家傢私公司其實不錯的,但就是反板枱出問題。有關的文章可click標籤 "從日零紀居",即係由Day 0開始寫我的新居!
先來張廳的全相:
張sofa扶手位可調校,3個人都坐到;而扶手位亦都係反板枱的坐位,所以可調校係好緊要 ....
反板枱就係相中間的高身大柜,右邊的部分。


由門口位向廳房拍攝,開另一盞moody的燈 ...
電視唔大,只32",遲d cfu會幫我上牆,個伸縮臂可以令訓o係房裡面睇到電視,good idea!! (屋細的唯一好處 ... 哈哈)


Reading Light在 IKEA買,因為要成$800,所以痕左好耐先捨得買 ...


廚房廁所,我花了很多時間同心思 (仲有金錢)落去,所以我好鐘意。
洗衣機放在爐頭之下,我知唔係咁好,但唔想將個星盤移入死角,所以唯有咁 ... 雪柜用Sharp最窄一款,冇法啦,廚房太細,所有電器及用品慳得一吋得一吋,最後效果幾好呀,可以容納到2個人!哈哈!


廁所我要求再高一點,但問題係天生面積太細,整體效果都好迫夾 ...
我個臉盤係American Standard,連柜一齊買,但cfu話個柜底要自己開窿,嘥佢時間工夫!
要介紹一下個鏡柜,因為廁所已經超細,所以我個鏡柜門係向左趟開,不是掩門;仲有裡面有socket插風筒,趟埋門可以一邊吹頭一邊照鏡,推介呀!
龍頭等的潔具用帝朗,平嘛!



房,無特別,有一邊大柜,另一面就要遷就窗台高度 (25" !!!!!)做地台 ...
窗簾o係姨媽家居買,ok啦 ~~




(btw, 張椅o係梳化倉買,如果你買4張就$999,但1-3張就要$399,超肉痛 ... 大家有冇團購?? 一人兩張$500 ... )

另外一提,Giomani的cushion有特價好抵!床頭方形呢個size $100/2 pcs,我買左4個!我唸cushion套係做sofa的剩料,唔錯;而芯方面,我覺得好好喎!

其實我另外買左2個「非清貨價」的長形cushion,指定布料,索價$225/pc,我做2個,都唔算太貴 (係有d肉痛囉 ...)

遲少少會寫一篇「我的家品」,介紹一下我買的東西 .... (肉痛中)

:D

2 則留言:

  1. Oh...nice nice...ur house is nice finally...
    the lighting & mood with white wall arrangement...showing the harmony environment!!
    haha...其實最勞氣都係反板枱出問題jei~~
    不過我見你家I-SKY做出黎野都ok wor...
    執漏間間工程都有...
    我去訂張office desk
    我本身做設計既~~問題應該少了,但就算我跟得再足...
    送到我公司的桌顏色都係錯!!=_="""""
    好明白間公司係無問題...
    現今的年青人態度處事唔上心...
    請再又要教,教左又唔聽...
    話左又耳邊風.......=.="""
    而家仲邉有咁多人知道打工係幫公司搵$$...

    回覆刪除
  2. Hi Cecilia,

    唔知你睇唔睇到我回覆呢 (我都知遲架喇!)
    多謝你的讚賞呀!我都幾滿意出黎的效果,你講得冇錯,造傢私有問題就一定,差在跟得足唔足,其實isky唔差,只不過先前跟得唔太好而已,之後佢地都好負責。
    聽你的語氣,好似俾d細嘅激親喎~~

    Keep contact la~~

    回覆刪除