not so pain

尋晚00:00落街跑步，一口氣由屋企跑到碧濤3期河邊，折返唔跑河邊長廊，跑碧濤門口嘅行人路，中途block左，於是跑返落河邊，就唸住跨過康樂設施的2呎高圍欄就返到正常跑步徑，點知好型咁一跳，先發覺高度有所出入，圍欄外花埔仲有1呎高，就在半空之際，心唸「大鑊」，要慢慢落地，最後都係因跑步嘅衝力，加上都跑左3公里有多，企唔穩 ... 仆街！

電話飛脫，電話舊電都飛脫埋 ... 心唸，今次個跑步apps (Runtastic) 咪紀錄唔到?! 頂！嘥gas！點知，一boot完機，開番個apps，竟然問我要resume, save 抑或discard！真係有d喜出望外！哈哈！於是我負傷跑完全程 (即返屋企)，血同汗水再加跑步的衝擊力，我成腳都係血 ...

人大了，很怕受傷，亦很少受傷；今次手和腳都只是擦傷了，沒有大礙，心理上感受良好，慶幸自己還有爬起來的力氣，也有洗傷口的勇氣。我覺得這是人生中的一種浪漫思想，Carol不同意，說這個意外是完全可以避免的 ... 我明白的。

掛線之後，Carol發來訊息說 "so painful"，我回話 "Not so pain. But reminds me what pain is."