淺談我的博客生涯、SEO 及數據演繹
寫 blog 大大話話都寫咗十幾廿年，最初純粹係記低自己嘅所見所聞同分享遊記，當時正值 Yahoo! Blog 大盛時期，也是 60 天旅行換 10 萬字遊記之時。與此同時，2002 年開始，我亦製作咗屬於自己嘅遊記網站：KCgoTravel.com。推動我繼續寫嘅原因除咗係儲落一班讀者外，來自素未謀面嘅人嘅留言都係一大動力。一直以嚟寫 blog 嘅方向都冇咩大改變，認為寫好一篇文章就夠好了，直到旅行去多了、抑或懶了、抑或多了執相時間、抑或開始有專欄寫短小的旅遊散文稿，抑或轉咗工忙咗，慢慢由寫有連續性的遊記變旅遊散文。大約兩三年前因為唔記得續 domain，於是索性放棄 KCgoTravel.com，只留 blogspot。
我有做 SEO 嗎？
因為工作關係，接觸了一些所謂的 SEO 技巧，好像是如何寫一個吸引的 blog 文標題、如何寫好 blog 文的第一段、如何寫「如何」、如何 Google Trends（其實上 FB 同有啲八卦朋友就足夠）、如何 seeding / backlinks / keyword planning / console / h1 h2 h3 heading 等等，那時候反而是我寫得最少，因為我覺得遊記不是實用文，我也不特別喜歡寫攻略文，我的旅程更愈來愈少攻略元素，非常隨性。不過，統計數字又好似說明了一些事實。
看數據 總有有趣發現
既然近年遊記都寫少了，就多了看 blog 文的統計數字，試下按工作的心態去寫，反正各種題材都寫點吧！2020 年年頭時間，大家都多了上網，究竟會分薄瀏覽，還是有利瀏量？除此之看，看看幾篇熱門文章由開站至今的數字，都有幾個有趣發現。
1. 如果按「開站之來 All Time」的統計數字看，《法國普羅旺斯【沉醉薰衣草之海】全攻略》獲得最多瀏覽，特別之處係每年 1 月都獲得「瀏覽高峰 (spike)」：原來香港人普遍半年前就準備法國薰衣草之旅
3. 過去一年的瀏覽數字中，發覺清邁的文章只剩一篇在 Top 10，是 2016 年當年我的新推介景點 《【藝。文。清邁】行程推介：清邁人的避世桃園 Mon Cham (Mon Jam)》。可見「日韓台泰」都是要快要新！
4. 近一年最多瀏覽的是《格魯吉亞： Tbilisi 第比利斯 行程建議及市內交通介紹》，舊年寫的，今年年頭寫了一篇《高加索小國【格魯吉亞 8 天建議行程及交通攻略】一文介紹》，相信慢慢會追上
5. 睇睇最近 3 個月抗疫期間的 search console，看看有幾多人 Google 了甚麼上來 blog？
竟然係「古吉拉特邦」「gujarat 印度」最為熱搜，估計原因是華文資料偏少，基本上你 search 得，我的文章都會在第一版出現之餘，你都會 click。（其實我寫得好少，亦無寫攻略）
以上 7 個熱搜關鍵字，除了「格魯吉亞」「georgia 自由行」外，其餘的都能擠上第一版出現
6. 最近 28 日出現 2 個奇怪的「瀏覽高峰 」，我解釋不到。有兩篇在 2009 年發表的文章，突然於短時間內獲得近千瀏覽，分別係：《寫在德國漢莎航空的機上》《拆掉香港》
兩篇都算係純文字、非攻略、沒有任何考慮之下寫的
好想回答文章開初的問題，究竟我應該有技巧地利用 SEO 的技巧寫文章嗎？
假如一開始就係寫遊記起家，但又想用 SEO 增加 organic reach 的話，不妨遊記照寫，文中加強 html coding 的 title tag，即係畀返個細 title，title 最好寫到 search terms / keywords，例如景點名；第二點，可以喺文中提到之前寫過的詞語，再連結到之前相關的 blog 文，盡量減低 exit，即係留客技巧。
引申到下一點，心理及期望管理。事實上上 Google 搵料 9 成半就係搵答案，所以假如你係分享遊記的話，又好難回答到「德國火車證 邊度買」呢類問題，所以如果你有時間的話，寫一兩篇相關的攻略文，一來可以喺遊記第一段就已經有連結指去該一篇攻略，又或者叫讀者 scroll 到文中某位置直接睇文，管理好讀者期望，減低即時離開的機會。
二來，我真係想知攻略文是否真的有更高嘅 views，於是寫一兩篇睇睇效果，其實都係一個好好試驗方式。以我自己經驗來說，攻略文的確多人睇，係好穩定嘅流量；如我上部分提到嘅一篇《法國普羅旺斯【沉醉薰衣草之海】全攻略》經過咁多年，更可以留意到每年嘅 pattern，呢一點，係非常寶貴，係行業知識，「微型 big data」就係咁靠自己個 AI 演繹出來，隨時可以興趣變事業！
沒有留言:
發佈留言