2017年11月28日星期二

出發清單

小弟嘅遊記網站 www.kcgotravel.com 因為無續domain,已經被其他人使用了 ... ... 心情竟然沒有太大失落,不過手頭上印好的咭片就要再印了。舊網站有兩部分特別受歡迎:七大奇蹟 和 出發清單。現先將清單「再出土」,因為我又要執行李喇!

重要證件

  • BNO / 特區護照 (特區護照較有用,但我覺得去得多幾個國家或一些較落後的國家,最好兩本都帶。而在外地遇到什麼大件事,最好先找中國大使館)
  • 相片 (申請當地證件)
  • 香港身份証 / 回鄉証
  • 捐血證 (不時之需)
  • 美金 (較落後的國家),其他外幣
  • 信用卡 (Master, Visa, AE 實際上分別不大,今時今日多帶一張「銀聯」)
  • 保險 (screencap或download)
  • 身份證明影印本 (分開袋,甚至upload上網,例如Google Drive 或 email)
  • 火車証 (歐遊~~)
  • 機票 (而家基本上都不用再printout) 
  • 買機票的信用咭 (好重要,否則可能上不到機!)


日常用品
  • 牙刷、牙膏
  • 洗頭水、沐浴露、洗面膏
  • 鬚刨
  • 潤唇膏
  • 眼鏡、隱形眼鏡、眼藥水
  • 面巾、大毛巾
  • 梳、Set 頭用品、髮夾橡根
  • 防曬
  • 蚊怕膏
  • 紙巾、面油紙、濕紙巾
  • 衛生用品(M巾)
  • 指甲鉗
  • 棉花棒

衣物
  • 雨衣
  • 太陽眼鏡
  • 太陽帽
  • 長袖T恤
  • 短袖T恤
  • 風褸
  • 短褲
  • 輕便長褲
  • 睡衣
  • 內褲
  • Bra
  • 拖鞋

藥物 
  • 膠布
  • Alcohol Pad (火酒棉)
  • 喉糖
  • 胃藥
  • Vitamin C
  • 止暈藥
  • 保濟丸 (肚痛止疴用藥)
  • 必理痛 (止痛)
  • 感冒藥

其他  
  • 手錶、鬧鐘 (但小心時區的時差!!)
  • 行程表
  • 火車時間表 (歐遊嘛~~ download定,以防上唔到網)
  • 旅遊書 / 必要資料
  • 外置充電 (尿袋)
  • 相機、記憶咭
  • 相機電
  • 筆、簿仔(日記)
  • 水壺
  • 背囊 (平時用那一種)
  • 袋(隨身)、腰包
  • 小袋仔
  • 針線包 (有時幾有用~~)
  • 眼鏡盒
  • 餐具 (身為華人,一對筷子,方便!)
  • 地蓆、睡袋
  • 衣夾、尼龍繩 (晾衫/掛0野用)、洗衣粉
  • 萬用刀
  • 鎖、輕便單車鎖鏈、爬山扣 (好有用!)
  • 電話、電池、電話咭
  • 旅行轉插、充電器 (各種電器)
  • 電筒 (手機無的話)
  • 防盜器
  • 指南針
  • 雨傘
  • 你有無D公仔要帶去旅行呀?!
我有「哈利+高飛」同我backpacking!
攝於格魯吉亞與土耳其邊境 Türkgözü
留屋企的東西 
  • 証件副本 (而家最好upload上網,有乜事上網搵番)
  • 行程表 (最好留埋住宿資料
  • 保險資料
  • 同行 partner 的屋企人電話
  • 記低信用咭的報失電話
  • 釘地址、名在行李上

祝大家旅途愉快!

2017年11月16日星期四

我不是要否定單反的質素,但ASUS ZenFone 4 的確是一件拍攝利器!

這趟25天的格魯吉亞旅程想特別多謝我的隨身拍攝工具:ASUS ZenFone4

並非想否定單反相機的重要性,相反,我去這類以觀光為主的旅行,攝影裝備至少都會帶「一機兩鏡一腳架」,的確,在正常做足準備下,例如set好腳架落好filter,長曝十幾秒影夜景,單反質素一定比手機好。但在旅行的時候,攝影條件都不能控制,這時慶幸有部質素可堪信賴的手機作後盾。

手上的ZenFone 4為ASUS方面提供,雖然好像有點鱔味,但ASUS那邊並沒有要求我寫任何東西的,純個人經驗分享,敬請留意。

旅程中出現很多不同的狀況,令我手持的單反相機未能拍出想要的效果,然而手機由初時輔助「補飛」形式,慢慢成為很多重要時刻的拍攝工具,而且出來效果令人喜出望外,特別想寫幾個例子:

1. 逆光環境下拍攝,雖然單反也可後制出 HDR,但如果想即時得出成品,又或者作即時分享,今時今日,手機不可少。
在格魯吉亞Akhaltsikhe的Rabati Castle外,有一座廢棄石橋連接到對面的石山,參觀完Castle時都已是大斜陽時候,完全逆光,想拍到山下的石橋和石山的話,唯有開HDR。



2. 對焦快,雙鏡頭切換迅速,廣角鏡頭變形不算嚴重,令手機的實用性大大加強。
格魯吉亞的Ushguli是位於海拔2000米的高加索山區中的村落,由門戶城鎮Mestia上去,雖只是50多公里的路,但路況不佳,一路有如坐過山車般,開車約需2小時。途中想舉機紀錄一下當時因為雪後造成的崎嶇路況和險要的山路,你可以在大機中校好ISO、快門和焦點 (車窗外),再按快門,但車外景色一閃即過。
於是我單手開手機 (另一隻手要扶穩),再按wide angle 廣角鏡頭 (用以捕捉車頭和車側兩隻窗外的景物),對焦,拍攝,即可。正是我想要的畫面!



(上圖) 險要的山路與雪後的路況



3. 格魯吉亞西部有很多自然地貌,如鐘乳石洞,洞內長年維持攝氏12-15度,而我當時由外面約6度的環境進入洞內,見如此低光的環境,我相信單反,於是舉機 ... 一片迷霧!告訴你,我當時的單反相機鏡頭因溫差所產生的霧氣,到我離開了鐘乳石洞景區後都未散。


(上圖) 攝於Sataplia Nature Reserve

不解釋了 ...


4. 在格魯吉亞,教堂和修道院裡面的壁畫都令人很「wow」,原本也覺得以單反2.8大光圈及ISO 800拍攝壁畫應該可以吧,但放大一看,感覺成像總有點鬆散 (你應該知道不能用腳架吧),還是用手機補飛!

攝於 Gelati Monastery


5. 在首都Tbilisi大大話話留了十幾天,城市生活,感受城市,不會「一機兩鏡一腳架」跟身,日常生活,手機攝影屬簡單任務,帶著ZenFone 4拍下我在Tbilisi日日上瑜伽、cafe hopping、到不常開放的劇院欣賞舞劇、晚上clubbing、迫巴士、迫地鐵,大滿足的體驗紀錄。







光暗色溫在後制中可輕鬆調校,但構圖和角度則改不了,手機攝影可說是訓練構圖的重要工具,旅程中的手機拍攝例子還有不少,但最想講的都是兩點:我不是要否定傳統單反的質素 和 不要低估手機的拍攝質素!

再次鳴謝:
感謝ASUS提供的雙鏡頭手機ZenFone 4
ASUS Mobile Facebook 香港官方專頁

2017年10月7日星期六

「我去旅行,攝影工具只有一部ASUS Zenfone 4!」問題係:夠唔夠?

暑假過後,手機界吹風已久嘅年度「性價王」ASUS Zenfone 4終於登場!距離2016年上一代嘅產品,華碩應該儲起不少用家comments,例如Facebook一出post,一定有幾個花生友留言「有NFC先講啦!」(其實乜NFC真係咁重要?!)「人地出到雙鏡喇喎!」(呢樣又係真,但單一鏡頭嘅ZF3性價表現,真係高,我仲用緊!),2017年9月最新出街嘅ZF4,究竟有幾多係回應花生友,有幾多係真正feel到嘅進步,希望呢篇可以提供少少端倪!

機背後的雙鏡頭
我手上的Zenfone 4係該系列中最基本嘅版本Zenfone 4 (S630/4GB/64GB),另有ZenFone 4 ZE554KL (S660/6GB/64GB),分別在於2款不同效能嘅處理器 Qualcomm Snapdragon 660 或 630。價錢方面,S630版本控制在港幣3000樓下,賣$2998,S660版本建議售價為$3798。

5.5吋屏幕2.1mm窄邊框,為1920 x 1080 Full HD規格,加上市面比較少見的薄荷綠色,評語係:清爽!另有比較穩陣嘅黑同白色應市,適合保守嘅你。先來幾張寫真:
採用Type C USB及3.5mm耳機插頭
手機右側有開關及volume key
前置鏡頭所在,注意,前置是一顆鏡頭,另一粒黑點係對焦用
最近如果有留意地鐵或巴士車身,都不難發現ZenFone4的廣告,加上系列代言人韓國oppa孔劉的投資,相信華碩對於今年的旗幟系列充滿信心!Zenfone 4主打手機攝影,身為長期使用之前兩個型號 (Zenfone 3 及 Zenfone3Zoom)的用家,我對ZF4的攝影質素滿有信心的,但同時我會比其他人對ZF4更有要求。今次以 We Love Photo為口號,帶來不算新奇的雙鏡頭,打算看看sample相的朋友,文章大部分的相片都盡量以原圖原size上載,有死link的話,請通知!


「我去旅行,攝影工具只有一部ASUS Zenfone 4!」問題係:夠唔夠?

上個月,我去咗日本廣島玩幾日,只打算食食玩玩,老老實實,以ZF4雙鏡頭再加一向有不錯表現的攝力,我覺得以規格來說,夠有突!細心留意,相機功能及版面,對比前作ZF3及Zenfone3zoom都有頗大的更改。先講硬件和數字。

ZenFone 4雙鏡頭均設於機背,主鏡頭為Sony旗艦級的IMX362感光元件,擁有 F1.8 大光圈,0.03秒相位對焦,最大輸出4032 x 3024px (等於1200萬像素),83度攝影視角。
機背的副鏡頭賣點為120度攝影視角,光圈細一點,但都有F2.2;最大輸出3264 x 2448 px (即800萬像素)。
前置鏡頭沒有廣角功能,但維持有84度視角,F2.0大光圈及最大輸出3264 x 2448 px (即800萬像素)。拍心口講,交足功課!


給「唔知咩叫廣角鏡嘅你」

對「光圈快門焦距」有少少認識嘅朋友可能唔需要再睇,即刻睇下面嘅sample相,如果唔太清楚的話,請畀少少時間我,以ZF4嘅相機介面講解一下,如何好好運用廣角功能。

第一步:打開相機app

 第二步:見唔見到白色圓形拍攝按鈕嘅左手邊有「三座山 / 一座山」嘅選擇?就係呢度。「一座山」係標準鏡,「三座山」就係廣角鏡。



第三步:就係咁簡單!一click就可以選擇將更多的人或物攝入鏡頭。同標準鏡一樣,只要你長按對焦的位置,就會出現一個圓圈,可以調校光暗程度,連EV都不用學,光暗自己校。

有圖有真相之同一角度同一距離嘅相:

標準鏡


廣角鏡

「120度視角」有幾「廣」?相信應該有基本嘅概念。

下一部分,我會展示上個旅程中,利用標準和廣角的實際比較,有關的拍攝參數亦有列出方便網友們參考。



日本廣島之旅相片樣辦

1. 對日本的印象,可能係來自窗外亂中彷似有序嘅電線。想拍出「好似有好多條電線」嘅效果,試下「120度視角」!

(上) 主鏡頭 (下)廣角鏡頭
2. 室外要影相,想將多種景物攝入畫面,你都仲可以行後兩步,但室內的話,唔通拆牆咩~ 呢一點亦係ZF4 標準/廣角嘅主要賣點。去旅行,一入到酒店民宿房,就影相,示範係今次廣島住嘅民宿:

(上) 主鏡頭 (下)廣角鏡頭


(上) 主鏡頭 (下)廣角鏡頭
3. 室內用廣角鏡頭拍攝嘅優點,大家明白了;到室外,又如何呢?答案係增加「迫力」,令你有種「嘩!好壯闊呀」呢個反應!以下有兩個例子,拍攝地點係距離廣島1.5小時巴士車程嘅尾島。


(上) 主鏡頭 (下)廣角鏡頭
以低角度廣角抇攝尾道嘅步道,創造不一樣嘅視角和營造迫力
4. 以廣角鏡拍攝遠景,即所謂嘅「大景」,亦有效將近似panorama嘅相片內容帶到手機攝影普遍嘅比例,如16:9 或 4:3。
走上尾道千光寺公園嘅觀景台,拍攝中距離山上嘅美術館,以及遠景港灣景色,再配上瀨戶內海的小島背景,畫面有層次之餘又通透。

(上) 主鏡頭 (下)廣角鏡頭

真。改善空間

手上嘅 Zenfone 4 (S630) 版本係來自ASUS公關朋友,是否代表我要隱惡揚善?Sorry~ 作為ASUS嘅用家,我都希望佢地不斷進步。其實由Zenfone3到 Zenfone3Zoom,再到Zenfone 4,攝影方面每一個新型號都係有「可見」嘅改善,先講實測一個月及只帶ZF4去旅行影相後,感覺到嘅改變。

1. 對焦快
廠方資料聲稱全球手機對焦最快,只需0.03秒,即使移動中之物件都有自動鎖定的對焦功能。其實我唔識去計0.03秒,但對焦快而準,的確係感受到。用auto拍攝功能,基本上已經萬無一失,而我發覺近攝對焦也非常出色,對於去食飯時「相機行先」嘅人,ZF4可謂最佳發揮場合。等我畀個例子 ...

拍攝場地:我屋企 ... 仲有幾件不同大小及距離嘅物件。我會簡單示範只需一按屏幕上想對焦嘅物件,以及出來嘅景深效果。

第一張,上圖,焦點:背景巴黎鐵塔。
可見前景都有散景效果 (即係「濛咗」!)

第二張,上圖,焦點:Alsace白鸛擺設,亦都係普遍影食物嘅情況,前景清,後面濛。

難度最高係第三及第四張,左面嘅雪山擺設 同 Kelvin公仔,其實水平距離差唔多,但如果你細仔睇,放大來「聞」,第三張,亦即上圖,雪山擺設係焦點。下圖,Kelvin公仔就係focus喇!


2. 相機介面
介面是另一項好容易察覺嘅改善,上一代,我想如果將「自拍計時器」放到相機介面,自拍時就可以馬上選擇2秒、5秒、10秒延時自拍。ZF4,就有喇~ 就放在左邊嘅部分。
不過有個隨之而來嘅問題,就係右邊嘅功能button太多 (又有少少偏大),所以如果想「一按即對焦」功能的話,有時會有所妨礙。
右邊的暗灰部分,好似太大喇!
如果要「一按即對焦」功能的話,有時會有所妨礙。
輪到「真‧改善空間」,最大問題係前置鏡頭。
最初去旅行用前置鏡頭自拍時,我覺得非常好,而且覺得顏色調校得很有風格,非常適合人像,之後回香港自拍時,覺得成日濛,究竟點解?
大概係因為預設光度要求太光,令到在戶外有充足光線嘅環境下表現得優異,但換轉室內 (即我返咗香港,成日去餐廳食嘢自拍),光線不足之下,會容易鬆郁濛。雖然曝光補償 (EV)可以非常容易調校 (只需長按,就會出現圓形,再可拉高拉低控制光暗),但我覺得如果手機識得自動感光,再自動控制「安全快門」的話,將會更好!

第二,說好的RAW呢?!
我試過用jpg放電腦,用Lightroom執相,係絕對夠空間後制,但眾所周知,RAW係皇者。
相信之後嘅updates,將會回應。以下係一張用jpg執嘅相,網友大可下載原圖,細意品嚐,jpg格式後制是否可取。


拍攝地:日本尾道千光寺
光圈:f/1.8  快門:1/3000 sec  ISO: 26 (即auto) 白平衡:自動
(邊張係before,邊張係after,不用多講啦!)

BTW, 仲有一個重要新功能未試,就係NFC做 Android Pay。既然之前個個都話「冇NFC就唔買」,就睇下是否咁好用!
旅攝方面,其實仲可以再講多少少,就先停一停,到我去完格魯吉亞返來再寫!

鳴謝:
感謝ASUS提供的雙鏡頭ZenFone 4
ASUS Mobile Facebook香港官方專頁

2017年9月9日星期六

《心活誌》2017年9月稿:葡萄牙波圖 捕捉美好晨曦

9月出街的稿,剛好是一年前葡萄牙的旅程。一年了,而我,亦遞了辭職信,下個月,不知會怎樣呢?



捕捉晨曦的美好:葡萄牙波圖
每天都有日出,可是你又看過多少次?
日出就好像生活中許多美好的事情一樣,每天都在發生,只是我們忙著生活,忙得把這些美好的東西都忘記得一乾二淨。或許城市人做得太久,偶爾我們會利用旅行,打破既有的習慣,短暫調
節生活的節奏或嘗試過另一種的生活。

旅行時看日出,亦有同樣的作用,破曉前走到街上,感受那種大城市中出奇的寧靜,再找個地方,靜靜坐下,欣賞「晨光第一線」,這種旅遊模式,不算太奢侈吧!


留在葡萄牙的波圖 (Porto)好幾天了,是時候用另一個角度去欣賞。這個葡國第二大城市,擁有一條把城分為南北兩邊的Douro River,河兩岸的景色大相逕庭,站在南岸新城 (Vila Nova de Gaia) 欣賞北岸的舊城,河岸的小屋一級級向山上而建,就像一塊調色板,陳列著各種南歐建築常用的顏色。

曾經在波圖一家咖啡店中看到一張舊城的相片,色調猶如童話般夢幻,原先繽紛的南歐色彩,好像被噴灑微黃的雪,有點虛幻,這個畫面一直印在記憶中。心裡想,這種光線,應該是黃昏吧。於是,那天就趁日落前走到新城,希望捕捉那個印象中的畫面。結果?失望而回。

到了留在波圖的最後一天,打算到路易一世大橋 (Ponte Luis I ) 看日出,但到了舊城河岸時,抬頭望是密雲,心知道要看到第一道晨光是不可能了,那就隨心漫步,走過大橋,向新城河岸進發。天漸亮,到我走到一排排粗枝大葉的砵酒酒廠前時候,晨光斜照對岸的舊城,這刻有些玻璃窗反射泛黃的日光,感覺暖和的、夢幻的,正正和我印象中的畫面有多少相似,我呼出一口氣,承認被這畫面迷倒了!

日出總給人一種浪漫的期盼,這份浪漫在於,即使努力過,擺脫了睡魔,並不代表你就能看到日出,能夠欣賞天未亮就起床的毅力,感受一個城市甦醒前的氣氛,足令這一次的經驗永誌心中。





2017年7月7日星期五

《心活誌》2017年7月稿:法國酒鄉「輕遠足」

今期的稿本身沒有很多改動,唯一令筆者感到「咦~~ 咁搞笑?!」係題目。
今篇文寫的重點係:法國葡萄酒小鎮的「輕量版」遠足。
編輯將重點大挪移,重點明明在「遠足」,但題目就起「味蕾之旅」
有朋友問我點解唔同編輯講,但次次出版後收到書先投訴,因為我覺得編輯始終係編輯,係一門專業,所以我都想睇睇我有甚麼地方可以寫得更好,有時的確提點了我用字上的問題,但亦有改到重點錯亂。



法國酒鄉「輕遠足」

法國東部與德國接壤的亞爾薩斯(Alsace) 向來身份難定,究竟是流著德國的血,還是擁有法國的根,我猜並沒有明確定案,總之眼前的一片充滿酒香的土地就是一個德法的混血兒。

亞爾薩斯省現時歸屬法國境內,但有很多潛規則和習慣都不依法國一套,好像省內盛產的白葡萄酒,不少酒莊都無視官方葡萄酒的監管法規,就連法國的AOC標準也不賣帳,不過,酒也繼續風行全球。

遊走亞爾薩斯的酒村,自駕遊固然是最方便最有效率的玩法;若準備功夫做得好的話,其實用區內班次不算頻繁的巴士也未嘗不可。即使是用腳,你也可選擇以遠足或單車的形式分段完成,沿著「葡萄酒之路」走,美酒和美景可同時兼得。行程關係,我選擇來個輕量版遠足,在酒村Ribeauville出發,朝山上廢棄的碉堡Saint-Ulrich Castle為目標,尋幽一番。

離開花團錦簇的大街往山上走,會先進入幾個梯田式葡萄園,慢慢山徑坡度愈來愈大,亦開始走入樹林中。偶然會碰到一些輕裝上陣的遠足人士,看來他們的目標是想用腳走勻附近幾個酒村吧!此時,向山上望,發覺城堡已在不遠處,再多走一段較斜的路就會到達主建築了。

這座城堡原為中世紀區內權貴Ribeaupierre家族所擁有,是一座典型碉堡式的建築,遺跡中仍能看到被一列拱形窗包圍的大廳 (Knight's Hall)和小教堂。 回望山下的村莊,顏色一致的三角形屋頂在山下看來錯錯落落,從高點看卻和諧井然。

如果有時間的話,可以繼續登上另外兩座規較小的碉堡,又或者落山後向南走,先經過小村莊Hunawihr,再到葡萄酒之路上另一個必遊酒村Riquewihr,全程約14公里。而我能夠一口氣走上500多米的小山崗,再回到Ribeauville,喝一口清涼的氣泡酒,一個上午就嚐到美酒和美景都已經很滿足了!

站在酒村Ribeauville的大街的入口已經看到山上的碉堡Saint-Ulrich Castle了
在樹林中的碉堡入口
山腰的葡萄園和山上廢棄了的碉堡

《心活誌》7月稿:法國酒鄉「輕遠足」