2018年3月19日

【格魯吉亞】首都 Tbilisi 第比利斯 行程建議及市內交通介紹

如果有 24 天時間到南高加索的國家旅遊,十居其九都會包括格魯吉亞、亞美尼亞和阿塞拜彊三國,但我單單留在格魯吉亞首都 Tbilisi 第比利斯都有十幾天時間。24 天,我通通留在格魯吉亞。「打咭式」旅遊,似乎不太適合我。百貨應百客,我最近也幫網上平台寫了個 8 天格魯吉亞行程,也頗適合普遍的香港和台灣朋友!

今篇我只集中介紹 Tbilisi 第比利斯,給讀者做個簡單介紹。不論你有一天兩天或四、五天時間,總有合你心水的地方發掘。


可放大!

假如有一至兩日 ... 

(A) Old Town of Tbilisi:第比利斯的歷史城區 (Old Town)
(B) Peace Bridge:連接 Rike Park與舊城。具時代感的地標建築,適合晚上影相。
(C) St. Trinity Cathedral:一座頗新淨的東正教教堂
(D) Rike Park 吊車站:從河的這邊搭吊車去山上的 Narikala Fortress,風景和角度都值得推薦。
(E) Narikala Fortress 市堡 / Mother Georgia:由 (D) 可以搭吊車上山,除了市堡,亦是欣賞夜景的好去處。吊車固然可以以「飛一般」的角度欣賞Mtkvari River同舊城,但用腳走亦可體驗看斜路上的有趣商店。
(F) Liberty Square:我會以這個圓形迴旋處區分南面的古城區和北面的 Rustaveli 大街範圍。

以上 A - F 是第比利斯最有旅遊價值、最地標性的建築,一天「打咭式」行程會好趕,兩天會是個不錯的速度。以下是行程建議:

由 (A) Old Town 開始,在古城兜個小圈,沿 (B) Peace Bridge過河的對岸,再行上 (C) St. Trinity Cathedral。跳上 (D) 車前,可以到河邊的 Metekhi Church。這家教堂本第不算特別,但我喜歡它的位置:古城的正對面、立於崖邊,並俯瞰在旁的 Mtkvari River。
坐吊車到 (E) 城堡後,山上亦有其他景點,可花點時間。
視乎你的心情和腳骨力,搭吊車回到 (E) 後,走到地鐵 Avlabari 站,乘地鐵到 (F) Liberty Square。往古城方向走,找家餐廳吃飯。又或者多乘一個站到 Rustaveli 站。Rustaveli 站附近有不少不錯的餐廳,我講的不是 Rustaveli 大街,要到大街兩邊的內街,upscale和平民的都有。

舊城的 Abanotubani
不同角度,舊城都有不同味道

舊城的傍晚特別有 fu~~
(G) Avlabari 區:當你找民宿時,會發現很多選擇都在 Avlabari,因為它是當地居民住的地方,也有一些大型酒店落戶。這區看點不多,當你搭車來往機場的話,都一定會經過這區。地鐵站 Avlabari 外是個巴士站,如你真的住這區,其實也算方便的。


如果你有多一天 ...
(H) Rustaveli
(I) Rustaveli Ave.
(J) Dry Bridge Market
(K) Davit Aghmashenebeli Ave. 行人專區段
(L) Davit Aghmashenebeli Ave. 「柏麗大道」段

Dry Bridge Market

Davit Aghmashenebeli Ave. 行人專區段

Davit Aghmashenebeli Ave. 「柏麗大道」段
有多一天,視乎你對博物館、藝術館、跳蚤市場等等的興趣,發掘河的兩岸。可乘地鐵到 Rustaveli 站,由這裡出發往 Liberty Square 方向。(H) 近 Rustaveli 站一帶有不少咖啡店和餐廳,吃個 brunch,豐富與否,隨你喜歡,反正一路上都有不少食店。

多提一句,這區的夜生活一樣精采,大街兩邊的內街一定滿足到你!多提兩句,城中著名夜店 Dive Bar 都在此區。(我就去了最方便我的 Dive Bar 位於 Fabrika Tbilisi 唯一分店)

Fine Arts Museum

(I) Rustaveli 大街是條很好逛的林蔭大道,兩邊歐式風格的大型建築都是一些博物館、藝術館、劇院、國會大樓等等。有興趣的話,看表演、進博物館也可花掉兩三個鐘。由大街上的 Museum of Fine Arts 走入內街,是個叫「9 April」的公園,穿過公園向河方向走,就見到一地攤檔,就是 (J) Dry Bridge Market,可以看到不少蘇俄時代的東西。

可以從這裡過河,轉上 Davit Aghmashenebeli Ave,就是另一個遊客的好去處。(K) 這一段是個行人專區, 街道兩邊都是翻新得美輪美奐的舊建築,當中有不少 boutique hotels。再往北走的是 Marjanishvili Square 和地鐵站, (L) 一段都是 Davit Aghmashenebeli Ave. 一部分,且路更闊,有點像香港的柏麗大道。對我來說,大街附近的區域更有趣,因為都是當地人生活的區域。

大街附近的區域更有趣,因為都是當地人生活的區域。


再多一兩日的話 ...  
(M) Vake 區:感受年青一輩和上一代氛圍
(N) Turtle Lake Ropeway:蘇俄時代留下的產物,以另一個制高點看首都

Vake 區

Turtle Lake Ropeway
(M) 在 Vake 區有些有趣經歷。當日因為我要找航空公司辦公室而走到此區,當我一下巴士就覺得這裡很好走,很有質感,文藝氣息濃厚同時也充滿活力。當找到了航空公司辦好正經事後,就跟納悶很久的職員吹水,她說這區是 fashion area,有很多高質的時裝小店。於是,我整天就在這區遊盪,的確發現很多有趣的店子。也給我「發現」1965 年的吊車 (大約10年前停駛,至近年維修後才重開,所以現在的車沒有50年歷史。想坐超過 50 年歷史又沒有維修的吊車?哈哈!遲點,我再寫)。


(N)吊車連接 Chavchavadze Ave. 的站,到山上的 Turtle Lake,也可步行到 Open Air Museum of Ethnography。下午傍晚前上到來,欣賞這城市另一面的風光。
我個人就很喜歡這區,所以我回去後就馬上看看這區的民宿價錢。結果係,優質的環境跟價錢是成正比的。
有一缺點,這區沒有地鐵,我是乘巴士來的。



另外有兩個地方可以講講 ... 

(O) Technical University:我最初對這區蠻有希望的,單看地鐵站是「XX大學」,我就覺得應該係年青人區。誰知 ... 有點似廣州的任何一條大街。

(P) Tbilisi火車站:沒什麼推介。火車站大樓的商場其實也很好行,foodcourt不錯。

(A) (F)


視乎你的興趣,將以上景點配搭,拼貼成最適合你的旅程。

【首都市內交通】

在首都內行走,可利用單程票價低廉的地鐵 metro,雖然只有兩條路線(紅綠兩線,遊客區都在紅線之上),但也算貫穿最重要的觀光地區,例如 Rustaveli、Avlabari、Liberty Square 和 Marjanishvili 就是我常出現的站。以前是可以單程逐程買 token,但現時就要買儲值咭 Metromoney Card 了(全線地鐵站有售,地鐵及巴士通用),每張 2 GEL,每程定額收 0.5 GEL 好抵搭!

至於巴士,有黃色和藍色之分,不過我不太知道有甚麼分別,跟地鐵一樣,使用 Metromoney Card,每程 0.5 GEL。特別之處是巴士站有電子顯示牌,顯示巴士停靠號碼、目的地、下班車到站時間此幾款重要資料。

 call 車 app 在第比利斯亦是非常之普遍(利申:我當時沒有用),Taxi 車費廉宜,而用 app 叫車明碼實價,白牌車在格國盛行,任何人有車,都可以兜生意,競爭頗大的,我也曾在不同地方有不同階層的人推銷過(不 pushy 的)。格魯吉亞人常用的 app 有:Yandex 和 Bolt(即 Taxify)。

如要到首都以外的地方,如 Sighnaghi、Mtsketa 等,就要坐小巴 Marshrutka 了。Marshruka 路線非常多,所以建議你可以先在網上找些資料,如上車地方、大概的行車時間及班次等等,再計畫行程。但如果未能配合的話,放心,你要去的旅遊地方,90% 都會有 local tours 去的,worst case scenario,租車也是相當廉宜,例如我在首都包了一天的私家車,由首都出發沿「軍事之路」北上去 Kazbegi 也只是港幣 400 多元。

有問題?留言給我,亦可到我的 Facebook / IG 專頁(@coffeetravelog100):100字的咖啡遊記

延伸閱讀:
高加索小國【格魯吉亞 8 天建議行程及交通攻略】一文介紹
格魯吉亞的音樂浪潮:第比利斯的夜店、音樂與衝突
【格魯吉亞】文章與訪問


16 則留言:

  1. 請問你去咗 Tbilisi 幾多日? 你建議背包遊, 定都可以拎喼? 我一個女仔去有咩要注意? 6,7,8呢3個月份邊個月份較好? 我估6月好啲,冇咁熱?

    回覆刪除
    回覆
    1. Sleepycat~~ 唔好瞓住!
      Tbilisi 留咗10日左右,我當然係建議背包啦,backpacker嘛,不過拎喼都OK,但如果你想 move around, e.g. 搭小巴、巴士、小型飛機的話,都係backpack啦。
      Georgia ... 我諗除咗語言有少少障礙之外,一切都好順利,治安又好!
      天氣方面,6及9月都好,我10月底喺 Kutaisi 已經見凍!
      有咩問,請隨便!:D

      刪除
  2. Kelvin,
    多謝你嘅回覆!
    查實我未試過背包遊,不過今年確實打算試一次,原先心中有2個地方是但去一個做背包遊:Sri lanka & Georgia. 點知sri Lanka 而家咁,就暫時要擱置。

    我想去埋阿美尼亞/阿塞拜疆,但可能諗住只去最多14日,會否唔夠?(可cut 阿塞因我見要evisa). 你有冇行程建議去2個地方 in 14days ?係出入都Tbilisi 定不同國家呢?定還是玩晒Tbilisi 好啲?但佢係咪得一個國際機場?

    另外,我其實成日想知啲人點pack背包(尤其是女生),因為我根本唔知應帶咩。同埋到底背包遊點玩,唔通日日咩住個60L背包?想著靚啲又點呢?要帶相機腳架又點呢?(好懊惱呀~)

    6月會否雨季?

    我有扒過下文,但唔太搵到啲人講每日帶咩袋出去,執啲咩咁....

    抱歉問題多咗啲,但好高興有人理下我。😄😄

    回覆刪除
    回覆
    1. Hi Sleepy~~ (this Tue is really sleepy)
      背包,都係睇心態嘅,試咗第一次先,可能你會愛上。我鍾意 backpacker 嗰種能屈能伸、一切好自助之餘,亦要貼地去體驗,揹 backpack 機動性強,亦唔會嘈住晒 (imagine you are pulling your wheel trolley case in a cobbled street! horrible!), leave no traces but memories.

      我建議 skip 阿塞拜疆。14日兩個國家:Armenia+Georgia,不過如果你想插旗就另計。揀啱航空公司,可以 open jaw (Tbilisi / Yerevan), e.g. 俄航,但如果俄航唔okay,Tbilisi 同 Yerevan 中間都有車來往,唯有花多一點點時間囉。國際航線,都係走 Tbilisi。三個國家基本上只有首都飛國際‧。

      咦~ Georgia and Armenia 唔駛 e-visa 咩?我記得3國都要做 e-visa 喎

      我有寫個執行李清單,睇下你啱唔啱用:https://kelvinchong.blogspot.com/2017/11/checklist.html

      背包點玩?嘩,呢個問題要出黎飲嘢吹口先答到,不過,我都係D注重外在嘅人,所以放心喎, backpack 係會令你更方便去移動,而唔會令你太辛苦嘅工具。以我呢個trip為例,full gear: tripod, 3鏡1 body,你都見我嘅衫,唔太樣衰。

      6月唔算多雨,但 pls research on the weather.

      刪除
  3. Kelvin 你好呀,再次感謝你嘅回覆。

    我希望我backpacking ok啦,但我完全唔知揀幾大size 背包,我156cm高,算小個子,應該帶幾大背包?帶背包係咪都要寄倉?係咪要買個袋裝住個背包寄?咁係咪會咩多個小背包出機場?咁一前一後點行?定個小背包係放大背包内,去到checkin咗先放低大背包再攞小帶包出黎用呢?我上網完全搵唔到啲人講呢個問題。去過一次後我一定要寫一篇出黎分享比啲初次想去背包遊嘅人。😣😣

    唔該晒,我見Emirates 都有機係走呢2個地方(openjaw).

    我係揸Canada passport, 所以基本上唔駛簽證,但見Azerbaijan係要evisa, 所以諗住skip佢。😂😂

    出黎飲嘢請教下你當然好,但你應該好忙,我唔敢打搞你。😄😄

    不過非常感激你嘅回答及幫助!

    回覆刪除
  4. 你好,我想問下如果去5,6天,是否應該只在第比利斯四周玩,好過到巴統呢?

    回覆刪除
    回覆
    1. Hello~
      都唔一定,你有時間去 Telavi + Sighnaghi 或 day trip to Sighnaghi 或趕 D 去 Mestia
      Batumi 就唔好喇 ...

      刪除
  5. 你好Kelvin,我係大學時期已經好鍾意聽你既ITA節目ga la,當年真係集集追國際自由行同漫遊風好輕鬆~ 我打算下年6月會包車玩格魯吉亞9日,請問6月天氣比較適合去邊d地方?

    回覆刪除
    回覆
    1. Ivy~~ 最開心收到讀者留言 ... 仲要係之前嘅聽眾!多謝多謝!
      6月好季節,去邊度都適合,上到雪山就一定凍,不過天氣都未必一定好穩定,但包車的話,就唔會有好大問題。可以考慮經「軍事之路」上 Kazbegi (Gergeti Trinity Church),又可以去 Mestia。芍杯中物有興趣的話,可以去酒鄉同附近嘅地方 Sighaghi / Telavi。包車的話,可以去D少人去嘅地方,如 Kutaisi 周邊嘅岩洞同 Chiatura
      9天的話,應該去唔晒咁多地方,揀你鐘意就得喇!

      刪除
    2. Samtavro Church 值得去嗎?

      刪除
    3. 去得 Mtskheta 就會去,除非你唔去 Mtskheta
      以建築看點本身就唔太特別

      刪除
    4. 此留言已被作者移除。

      刪除
    5. 咁9天你會建議路線係點?我最想去mestia 同kazbegi,你提及既kutaisi周邊都想去。

      刪除
  6. 請問在第比理斯自駕遊普遍嗎? 要注意甚麼?

    回覆刪除
    回覆
    1. Unknown 的讀者,Hello~
      第比理斯不需自駕,有地鐵,的士又平,又可以用 call 車app Bolt (以前叫 Taxify) 及 Yandex

      刪除
  7. 你好,請問在當地容易找包車服務嗎?我們一家有個8歲的小朋友同行。比如說,Tbilisi > Uplistsikhe > Borjomi (夜宿),隔天去 Vardzia > Paravani 湖 > Tsalka > Tbilisi。包車服務必須負責司機的住宿嗎?

    回覆刪除