香港電台第二台《遊學全世界》主題：古巴
你掛住旅途上嘅自己嗎？
過去大半年，身邊唔少朋友都呻有幾掛住旅行，其實我幾心如止水，可能係呢一年嘅社會氣氛，令我即使想去旅行，都唔係尋開心，係尋黑暗。想以唔同嘅角度去睇下經旅遊包裝之外嘅平民同當地人嘅真實想法。舉個例子，西班牙好玩好食又好影，但原來一直抹唔走獨裁者統治下嘅傷痕，社會其實好分裂，又好似古巴，佢哋個個都好似好快活，究竟佢哋諗緊咩？佢哋經歷過啲咩？你唔同佢吹下水，真係以為佢哋無憂無慮。
早幾日幫港台節目 #遊學全世界 做錄音，原來而家嘉賓冇得去錄音室，轉用 zoom 錄。因為呢大半年嘅疫情，令我諗起遠在地球另一邊封閉嘅古巴，究竟古巴會唔會幸免於疫？！疫情 + 古巴嘅獨有旅遊風景，應該係個唔錯嘅角度！
港共政權要社會上剩一把聲音，嗱渣手段明目將膽，身邊甚至自己所遇到嘅打壓例子愈聽愈多，愈來愈多人要離開，香港真係愈來愈恐怖。要調校社會上嘅聲音需時，但要對付屬於政府機構嘅 #香港電台，就易如反掌，多謝主持 梓豪爸 Tszhobaba 邀請！
 |
Zoom 都要合照！ |
延伸閱讀：
《心活誌》2018年4月稿：古巴的聖地牙哥 尋找人與地的革命靈魂
沒有留言:
發佈留言